THE IMPLEMENTATION OF THE SALE CONTRACT IN KOSOVO THROUGH ALTERNATIVE DISPUTE RESOLUTION MECHANISMS

Abstract

Tema trajton dy aspekte të ndërlidhura: së pari, zbatimin praktik të kontratës së shitjes dhe, së dyti, mënyrat për zgjidhjen e kontesteve që lindin nga moszbatimi i saj përmes mekanizmave alternativë të zgjidhjes së kontesteve (ADR). Qëllimi kryesor i këtij studimi nuk është të analizojë kontratën e shitjes si institucion juridik në përgjithësi, por të shqyrtojë mënyrat efikase për zgjidhjen e kontesteve dhe sigurimin e zbatueshmërisë së rezultateve që rrjedhin nga këto procedura. Mekanizmat ADR ofrojnë mundësi për realizimin e marrëveshjeve në mënyrë më të shpejtë, fleksibile dhe efektive, duke shmangur procedurat më të ngadalta dhe më formale gjyqësore. Analiza përqendrohet në studimin e kuadrit ligjor në fuqi, praktikat ekzistuese dhe faktorët që ndikojnë në efektivitetin e këtyre mekanizmave, duke përfshirë njohuritë dhe besimin e palëve në vendimet që rrjedhin nga ndërmjetësimi dhe arbitrazhi. Me metodologjinë doktrinare dhe analitike, ky punim synon të vlerësojë kontributin e mekanizmave alternativë në stabilitetin dhe ekuilibrin kontraktor, duke theksuar rëndësinë e ADR-së si një instrument thelbësor juridik për mbrojtjen e të drejtave dhe zbatimin efikas të marrëveshjeve kontraktuale.