Sadriu, Basri2025-07-222025-07-22Sadriu, B., & Berisha, A. (viti i publikimit, nëse dihet). Historiku i administratës tatimore të Kosovës dhe ndikimi në buxhetin e konsoliduar të Kosovës. Në Konferenca e II Ndërkombëtare – Qëndrueshmëria Ekonomike e Vendeve të Ballkanit dhe Sfidat Euro Integruese. Kolegji AAB.https://repository.aab-edu.net/handle/123456789/841Zhvillimi tatimor pas luftës, ndikimi në buxhetin e Kosovës.Gjatë luftës së fundit ekonomia kosovare tërësisht u shkatërrua. Pas çlirimit të vendit, filloi rindërtimi dhe zhvillimi ekonomik me ndihmën financiare të Bashkësisë Ndërkombëtare. Andaj thuhet se Sistemi Tatimor i Kosovës është sistemi më i rinj në Evropën Lindore, zhvillimi i të cilit ka filluar në vitin 1999. Fillet e tij datojnë nga fundi i vitit 1999 kur Misioni Ndërkombëtar i UNMIK-ut themeloi Autoritetin Qendror Fiskal të Kosovës nën juridiksionin e të cilit kanë qenë Doganat dhe Administrata Tatimore e Kosovës, të cilat ishin të obliguara që t’i implementojnë rregulloret mbi Politikat Tatimore të Kosovës, të nxjerra nga Këshilli Ekonomik Fiskal, një trupë pranë Misionit Ndërkombëtar i cili është marrë me përgatitjen e këtyre rregulloreve. Siç u cekë më lartë, implementimin e rregulloreve me të cilat është rregulluar sistemi tatimor, kanë qenë: Doganat, Administrata Tatimore dhe Komunat. Sfidë e menjëhershme e kësaj fazë ishte niveli i zbatueshmërisë së tatimeve dhe sidomos futja e kësaj politike në interes dhe përputhje me nevojat e ekonomisë dhe sektorëve të ndryshëm të shoqërisë në vendin tonë. Politika e mirëfilltë Fiskale Tatimore në Kosovë filloi kur Institucionet e Përkohshme Qeverisëse të UNMIK-ut filluan të zëvendësohen me Institucione Vendore, dhe rregulloret filluan të zëvendësohen me ligje. Sistemi Tatimor i Kosovës ka evoluar nga sistemi i rregulloreve të UNMIK-ut, në sistemin e ligjeve të nxjerra nga Kuvendi i Republikës së Kosovës, të cilat plotësojnë Standardet Ndërkombëtare dhe Parimet e Bashkimit Evropian.othertatimetadministrata tatimorepolitikat fiskaleArticle