Ndikimi i influencuesve ne produktet e konsumit, rast studimi kompania Princ Kafe-Kosovë

Abstract

Marketingu i zhvilluar përmes influencuesve nga viti në vit po bëhet një nga strategjitë dhe modelet më të mira në krijimin e imazhit të markës në kohën e epokës digjitale. Në mjedisin bashkëkohor të marketingut digjital, influencuesit janë bërë një faktor kyç në mënyrën se si kompanitë komunikojnë me konsumatorët dhe ndërtojnë identitetin e tyre të markës. Influencuesit e angazhuar në marketingun digjital synojnë të përforcojnë komunikimin me konsumatorët, të rrisin bashkëpunimin dhe besueshmërinë e klientëve në raport me veprimet e blerjes së produkteve. Rezultatet e studimit tregojnë se bashkëpunimet me influencues që reflektojnë autenticitet dhe përputhje me vlerat e markës, ndikojnë ndjeshëm në qëndrimet pozitive të konsumatorëve dhe në rritjen e ndërgjegjësimit për produktet. Për më tepër, ndikimi është më i theksuar te grupmoshat e reja, të cilat janë më aktive në platformat digjitale dhe më të ndjeshme ndaj përmbajtjes së krijuar nga influencuesit. Studimi përfundon se përdorimi strategjik i marketingut të influencuesve mund të jetë një mjet i fuqishëm për ndërtimin e marrëdhënieve afatgjata me konsumatorët dhe për rritjen e konkurencës së produkteve vendore në tregun kosovar.