NDIKIMI I PLANIFIKIMIT TË BUXHETIT NË MENAXHIMIN EFIKAS TË INVESTIMEVE KAPITALE Rast studimi: QKMF - Ferizaj

Abstract

Ky studim analizon ndikimin e planifikimit të buxhetit në menaxhimin efikas të investimeve kapitale në institucionet e kujdesit parësor shëndetësor, me fokus të veçantë në Qendrën Kryesore të Mjekësisë Familjare (QKMF) në Ferizaj. Duke kombinuar analiza dokumentare, të dhëna financiare 2022–2024 dhe intervista me staf profesional, hulumtimi vlerëson mënyrën se si proceset e planifikimit buxhetor ndikojnë në identifikimin e prioriteteve, alokimin e resurseve dhe realizimin e projekteve kapitale. Rezultatet tregojnë se planifikimi strategjik, koordinimi institucional dhe përdorimi i analizave kosto–përfitim kontribuojnë ndjeshëm në efikasitetin e projekteve, ndërsa sfida të tilla si shpenzimet e paparashikuara, kufizimet financiare dhe mungesa e digjitalizimit ndikojnë negativisht në performancë. Studimi thekson nevojën për forcim të kapaciteteve planifikuese, rritje të transparencës dhe futjen e indikatorëve të matshëm të performancës, me qëllim rritjen e qëndrueshmërisë dhe efektivitetit të investimeve publike në sektorin shëndetësor lokal.