Analizë e ndikimit të ofertës monetare në rritjen ekonomike: Një qasje e regresionit panel për vendet e Ballkanit Perëndimor (2000–2023)

Abstract

Ky studim analizoi ndikimin e ofertës monetare (M2), inflacionit, investimeve të huaja direkte dhe shpenzimeve publike në rritjen ekonomike të gjashtë vendeve të Ballkanit Perëndimor gjatë periudhës 2000–2023, duke përdorur modele të regresionit panel dhe metoda ekonometrike të avancuara. Rezultatet tregojnë se oferta monetare ka ndikim pozitiv dhe statistikisht domethënës në rritjen e GDP-së, duke sugjeruar se rritja e likuiditetit në ekonomi nxit investimet, konsumin dhe aktivitetin ekonomik. Në të kundërt, inflacioni paraqitet si faktor negativ, duke dëmtuar fuqinë blerëse dhe klimën e investimeve. Investimet e huaja direkte tregojnë efekt pozitiv, por të kufizuar, ndërsa shpenzimet publike nuk paraqiten si nxitës të fortë të rritjes për shkak të efikasitetit të ulët të përdorimit të fondeve buxhetore. Gjetjet theksojnë rëndësinë e politikave monetare të balancuara, koordinimit fiskal-monetar dhe forcimit të strukturave institucionale për të siguruar rritje të qëndrueshme ekonomike në rajon.