Ndikimi i Tregtisë dhe Konsumit në Rritjen e GDP-së së Kosovës: Një analizë e bazuar në n Cobb-Douglas

Abstract

Ky studim analizon ndikimin e importeve, eksporteve dhe konsumit final në rritjen e GDP-së së Kosovës gjatë periudhës 2007–2023, duke u mbështetur në modelin Cobb–Douglas dhe metoda të avancuara ekonometrike. Gjetjet tregojnë se konsumi final përbën shtytësin kryesor të rritjes ekonomike, i ndikuar ndjeshëm nga remitancat dhe shpenzimet publike e private, ndërsa importet kanë një efekt të dyanshëm: kontribuojnë në zhvillim përmes sjelljes së teknologjive dhe produkteve të huaja, por njëkohësisht e thellojnë deficitin tregtar dhe varësinë nga ekonomitë e jashtme. Eksportet, megjithëse të rëndësishme teorikisht për rritjen ekonomike, paraqiten si faktor me ndikim të kufizuar për shkak të kapaciteteve të ulëta prodhuese dhe strukturës së dobët konkurruese të ekonomisë. Studimi rekomandon diversifikimin e eksporteve, forcimin e prodhimit vendor, investime në arsim dhe inovacion, si dhe politika më të balancuara tregtare për të transformuar modelin ekonomik të Kosovës nga konsumi drejt prodhimit dhe eksportit.